Hapësire reklamuese

Aktualitet

Trafikonin armë, mes 5 të arrestuarve edhe ish-efektivja e Policisë së Burgjeve

Shkruar nga Newsbomb
Trafikonin armë, mes 5 të arrestuarve edhe ish-efektivja e

Policia zhvilloi ditën e sotme një operacion, ku arrestuan 5 persona që akuzohen për trafikim të armëve të zjarrit nga Shkodra drejt Tiranës.

Mes të arrestuarve ishte dhe një vajzë 22-vjeçare, Denisa Halilaj, ish-efektive e Policisë së Burgjeve. Newsbomb.al mëson se prej gushtit të  2023 kjo shtetase është larguar nga shërbimi pasi ka braktisur detyrën.

Sabian Hasaj, 22 vjeç, Redi Nika, 18 vjeç, Denisa Halilaj, 22 vjeçe, Denis Hasaj, 18 vjeç, dhe Mirjan Hasaj, 26 vjeç, të gjithë banues në Malësi të Madhe, janë kapur me një makinë tip “BMË”, në të cilën kishin fsheur 9 arma zjarri, konkretisht: 4 automatikë dhe 5 pushkë, me krëhër e municion luftarak.

Nga verifikimet e kryera ka rezultuar se këta shtetas pasi i kishin siguruar armët në Shkodër, i kishin sjellë në Tiranë për ti shitur tek persona të tjerë.

Lexo edhe: Trafikonin armë zjarri nga Shkodra drejt Tiranës, arrestohen 5 persona

Njoftimi i policisë më herët:

Finalizohet me sukses operacioni policor i koduar “Repishti”, në zbatim të masave të caktuara në planin operacional “Sundimi i ligjit”, për goditjet e rasteve të armëmbajtjet pa leje.

Operacioni u zhvillua nga Seksioni për Trafiqet e Paligjshme.

Trafikonin armë zjarri, nga Shkodra drejt Tiranës, vihen në pranga 5 shtetas.

Sekuestrohen 9 armë zjarri (4 automatikë, 5 pushkë), krëhra e municion luftarak, 2 automjete, dhe 5 aparate celular.

Shërbimet e Seksionit për Hetimin e Trafiqeve të Paligjshme në DVP Tiranë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, pas informacioneve të siguruara nga inteligjenca policore, për disa shtetas që dyshohej se transportonin armë zjarri, nga Shkodra drejt Tiranës, me qëllim shitjen e tyre, kanë organizuar dhe finalizuar operacionin policor të koduar “Repishti”.

Si rezultat i tij në një parking në Rrugën e Rinasit, u kapën dhe u arrestuan shtetasit:

– S. H., 22 vjeç, R. N., 18 vjeç, D. H., 22 vjeçe, D. H., 18 vjeç, dhe M. H., 26 vjeç, të gjithë banues në Malësi të Madhe.

Shërbimet e Policisë kanë lokalizuar automjetin tip “BMË” me drejtues shtetasin M. H. Gjatë kontrollit të automjetit dhe në një valixhe në bagazh, u gjetën dhe sekuestruan në cilësinë e provës materiale 9 armë zjarri (4 automatikë dhe 5 pushkë) me krëhër e municion luftarak.

Nga verifikimet e kryera ka rezultuar se këta shtetas pasi i kishin siguruar armët në Shkodër, i kishin sjellë në Tiranë për ti shitur tek persona të tjerë.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

[video width="640" height="368" mp4="https://cdnimpuls.com/newsbomb.al/wp-content/uploads/2024/03/7efaf39c-7334-480e-ab25-87110499dcc5.mp4"][/video]

Sondazh

Poll

Lexo gjithashtu

Hapësire reklamuese