Policia e Tiranës ka arrestuar shtetasin Klevis Mulgeci, 19 vjeç, pasi dyshohet se ka trafikuar në Kosovë një të mitur.
14 vjeçarja I.K., dyshohet se është shfrytëzuar për prostitucion në Kosovë pasi është mashtruar nga 19 vjeçari. Fillimisht, Mulgeci e ka mashtruar të miturën se po shkonin për pushime dhe më pas e ka detyruar të prostituonte.
Njoftimi i Policisë:
Më datë 27.12.2016, u arrestua shtetasi Klevis Mulgeci, 19 vjeç, banues në Tiranë, sepse dyshohet të ketë trafikuar jashtë shtetit (në Kosovë), shtetasen e mitur I.K, e datëlindjes 20.09.2002, me qëllim shfrytëzimi për prostitucion. Parashikuar nga Neni 128/b i Kodit Penal.