Drejtuesi politik i Partisë Demokratike në qarkun e Beratit do të jetë Tomorr Alizoti.
Ditën e sotme ai është prezantuar nga nënkryetari Edmond Spaho.
Gjatë fjalës së tij për banorët e kësaj zone, Alizoti u shpreh se këtë herë gjërat do t'i bëjnë më mirë, me energji dhe vendosmëri.
“Kam ardhur me energji dhe vendosmëri. Mund të kemi gjatë rrugës mërzitje, është një beteje me një kast 70-vjeçar që nuk ka hequr rrënjë nga Shqipëria. Duhet që këtë herë ti bëjmë gjërat më mirë. Nuk ka grup në botë që nuk ka disiplinë. Duhet ta bëjmë këtë gjë për veten tonë. Ju falënderoj”,- tha Alizoti.