Gjykata e Lezhës ka dhënë masën e sigurisë për tre të arrestuarit, që akuzohen për tjetërsim të pronave në “Lagunën e Kune-Vain”.
Bëhet me dje se gjykata ka dhënë masën “arrest shtëpie” për drejtorin e ADZM Pjetër Toni, ndërsa është dhënë masa arrest me burg për dy vartësit e tij Tom Gjelaj dhe Armando Lleshaj.
Këta shtetas nuk kanë përmbushur detyrat funksionale të përcaktuara në ligjet dhe aktet nënligjore për funksionet e tyre. Me veprimet dhe mosveprimet e tyre, ata kanë sjellë dëmtimin e zonës së mbrojtur të Kune – Vainit, konkretisht në vendin e quajtur “Grykëderdhja e Matkeqës”.
Gjithashtu është shpallur në kërkim dhe punohet për kapjen e shtetasit P. N., 61 vjeç, banues në Lezhë, me detyrë përgjegjës i Sektorit të Monitorimit në AdZM Lezhë.