Të paktën 9 persona kanë humbur jetën dhe 27 të tjerë janë plagosur nga një sulm me armë një një klub nate në qytetin Dayton të Ohajos.
Policia bën me dije se agresori është vrarë në vendin e ngjarjes, ndërsa për të kryer masakrën dyshohet të ketë përdorur armë automatike me fishekë .223. Këto fishekë përshtaten me armë si AR-15 e përdorur edhe më parë në masakra të ngjashme.
Autori nuk është identifikuar, po ashtu edhe motivet e vrasjeve në masë janë ende të paqarta.
Ngjarja e rëndë vjen vetëm 13 orë pas një tjetër sulmi me armë në një qendër tregtare në qytetin El Paso të Teksasit, ku mbetën të vrarë 20 persona dhe u plagosën 26 të tjerë.