Një tjetër aksident u regjistrua në minutat e fundit po në rrethin e Fierit. Një automjet tip ‘’Audi’’ ka përplasur një këmbësore në fshatin Patos.
47-vjeçarja A.M. është dërguar me urgjencë në Spitalin e Fierit dhe mësohet se ndodhet në gjendje kritike për jetën.
Ndërkohë, drejtuesi i mjetit, i cili ende nuk është identifikuar, është larguar nga vendngjarja bashkë me makinën.
Paraditen e sotme, 24-vjeçari Flamur Tahaj vdiq në aksin Levan-Tepelenë, pasi motorri u godit nga makina ‘’Benz’’ e Kudret Zykës, i cili ia mbathi nga vendngjarja, por u arrestua pas 3 orësh nga policia.