Më 24 shkurt 2022, Rusia filloi një pushtim në shkallë të gjerë të Ukrainës, fqinjit të saj në jugperëndim, duke shënuar një përshkallëzim të madh të luftës ruso-ukrainase në vazhdim që filloi në vitin 2014. Shkak, Moska pretendoi se ishte kërkesa për anëtarësim e Kievit në NATO.
Mëngjesin e datës 24 shkurt, Putin njoftoi nisjen e një "operacioni special ushtarak" në Ukrainën lindore; minuta më vonë, sulmet me raketa filluan në të gjithë Ukrainën, duke përfshirë kryeqytetin, Kiev.
Presidenti ukrainas Volodymyr Zelenskyy u përgjigj duke miratuar ligjin ushtarak, duke ndërprerë marrëdhëniet diplomatike me Rusinë dhe duke shpallur mobilizim të përgjithshëm. Pushtimi mori një dënim të gjerë ndërkombëtar dhe ndaj Rusisë u vendosën sanksione.
Në dy vjetorin e kësaj lufte, Shqipëria si një ndër vendet e para që dënoi publikisht pushtimin rus dhe u solidarizua me Ukrainën, organizon një manifest solidariteti.
Të gjithë qytetarët ftohen të marrin pjesë në manifestin që do të zhvillohet nesër, më datë 24 shkurt, në sheshin kryesor përpara Bashkisë së Tiranës për t'u solidarizuar e për të treguar përkrahjen e palëkundur për popullin ukrainas dhe luftën e tij të drejtë për liri.
Tashmë që bëhen dy vite nga nisja e luftës, trupat ruse kanë parë një disfatë të fortë pasi u përballën me sfida logjistike dhe rezistencë të ashpër ukrainase. Gjithë bota përkrahu luftën e drejtë për të mbrojtur veten dhe i dërgoi Ukrainës ndihma të mëdha ushtarake. Falë tyre, vendi mundi t'i rezistojë ofensivës së egër ruse.
Sondazh
Lexo gjithashtu
