Kryetari i Bashkisë së Mallakastrës, Agron Kapllanaj është vënë nën hetim.
Shkak për këtë është bërë thirrja e këtij të fundit për nxitje të dhunës në procesin zgjedhor.
Burime nga blutë bëjnë të ditur se specialistët për Hetimin e Krimeve në Komisariatin e Policisë Mallakastër, referuan materialet për vlerësim në Prokurorinë pranë Gjykatës së Shkallës së Parë Fier për Kryetarin e Bashkisë Mallakastër për veprën penale "Thirrje për veprime të dhunshme".
Gjatë një emisioni televiziv, Kryetari i Bashkisë Mallakastër A.K. dyshohet se ka konsumuar elementë te veprës penale "Thirrje për veprime të dhunshme", në lidhje me procesin zgjedhor.