Një person ka mbërritur i përgjakur në spitalin rajonal të Vlorës gjatë natës së mbrëmshme.
Sipas policisë, rreth orës 03:30, në Spitalin Rajonal Vlorë, ka shkuar i dëmtuar me mjet prerës shtetasi Ç.F., 68 vjeç, banues në Vlorë.
Nga hetimet e kryera të policisë, dyshohet se ky person ka dëmtuar veten me mjet prerës thikë në ambientet e banesës së tij në lagjen “Isa Boletini” në Vlorë.
Gjithashtu, nga deklarimet e familjarëve, dyshohet se i lënduari e ka kryer aktin në depresion e sipër pasi vuan prej kohësh nga skleroza.
Personi i dëmtuar ndodhet në ambientet e spitalit, në gjendje shëndetësore jashtë rrezikut për jetën.