Mbrëmjen e sotme një situatë aspak e këndshme u krijua në urgjencën e spitalit të Durrësit, ku familjarët e një pacienti thyen xhamat e derës kryesore, për shkak të vonesës në dhënien e trajtimit mjekësor.
U nevojit ndërhyrja e forcave të policisë, të cilët arrestuan të riun.
Xhaxhai i të riut të shoqëruar i tha Fax News, se vëllai i tij për më shumë se dy orë e gjysmë ishte lënë në derën e urgjencës, pa i dhënë asnjë ndihmë mjekësore.
Kjo ka irrituar të riun, e shqetësuar për shëndetin e të atit, duke e detyruar që të thyente xhamin në mënyrë që të kishte komunikim të drejtpërdrejtë me mjekun.