Katër nxënës sot janë therur me thikë në shkollën e mesme teknike në Poklek të Drenasit në Kosovë, ka njoftuar policia kosovare.
Rreth orës 13:15, policia ka marrë informacionin se në fshatin Poklek në Drenas, saktësisht në afërsi të shkollës së mesme “Gjergj Kastrioti Skënderbeu”, ka ndodhur një përleshje fizike mes disa personave, thuhet në komunikatë.
Me këtë rast janë therur katër persona, ndërsa janë arrestuar dy të tjerë. Të lënduarit janë:
A. Q, mashkull , 17 vjeç, shtetas i Republikës së Kosovës
A. V, mashkull , 18 vjeç, shtetas i Republikës së Kosovës
V. N, mashkull , 18 vjeç, shtetas i Republikës së Kosovës dhe
S. Q, mashkull , 18 vjeç, shtetas i Republikës së Kosovës,
Të lënduarit janë dërguar për tretman në QKUK.
Policia për këtë rast ka arrestuar dy persona, të cilët janë:
V. H, mashkull, 17 vjeç, shtetas i Republikës së Kosovës dhe
T. H, mashkull, 17 vjeç, shtetas i Republikës së Kosovës,
Ndaj të dy të dyshuarve pas marrjes së autorizimit nga ana e Prokurorit të shtetit, policia ka shqiptuar masën e ndalimit policor për 48 orë, për veprën vrasje në tentative.