Hapësire reklamuese

Rajoni

Theksi tek Asociacioni, Varhelyi zbardh takimin me kryeministrin Kurti

Shkruar nga Newsbomb
Theksi tek Asociacioni, Varhelyi zbardh takimin me kryeministrin Kurti
Komisioneri i BE për Zgjerim dhe Fqinjësi, Oliver Varhelyi është takuar edhe me kryeministrin Albin Kurti dhe kabinetin e tij qeveritar, pas takimit me presidenten Vjosa Osmani. Për këtë takim ka shkruar Varhelyi në një postim në Twitter, duke theksuar temat për të cilat kanë biseduar. “Diskutim i hapur me kryeministrin Albin Kurti, zëvendëskryeministrin Besnik Bislimi dhe anëtarët e kabinetit [qeveritar] mbi progresin e rrugës europiane të Kosovës. BE-ja po ofron mbështetje të madhe për zhvillimin ekonomik të lidhur me zbatimin e mëtejshëm të reformave dhe zbatimin e marrëveshjes së dialogut, duke përfshirë Asociacionin e komunave me shumicë serbe”, ka shkruar Oliver Varhelyi. Më herët, në konferencën e përbashkët që pati më herët me presidenten Vjosa Osmanin, Varhelyi tha se në BE presin që marrëveshja Kosovë-Serbi të zbatohet pa kushte. “Është bërë progres në vitin e kaluar. Tash është esenciale që të dyja palët t’i zbatojnë të gjitha obligimet pa vonesa, sepse duhet ta shfrytëzojmë momentumin. Të ecim para me zbatimin e marrëveshjes sa më parë dhe të zbatohen pa kushte”, shtoi ai.

Sondazh

Poll

Lexo gjithashtu

Hapësire reklamuese