Tirana
light rain
12.5 ° C
12.5 °
12.5 °
71 %
7.2kmh
75 %
Die
13 °
Hën
16 °
Mar
16 °
Mër
17 °
Enj
14 °
E diel, 4 Dhjetor, 2022

“The Washington Post” jehonë protestës në PD: Mbështetësit e opozitës shqiptare përplasen për lidershipin e partisë

spot_img

Lajme të ngjashëm

Prestigjozja amerikane “The Washington Post” i ka kushtuar një artikull protestës së sotme në selinë e Partisë Demokratike, ku mbështetësit e Lulzim Bashës dhe ata të Sali Berishës u përplasën me njëri tjetrin me mjete të forta.

Në artikull thuhet se mbështetësit e opozitës u përplasën me njëri tjetrin për lidershipin e partisë, ndërsa tregohet edhe historia sesi nisi përplasja mes Bashës dhe Berishës, si dhe “non grata” e këtij të fundit.

Artikulli i plotë:

Mbështetësit e opozitës shqiptare të shtunën u përleshën me njëri-tjetrin teksa u përpoqën të sulmonin selinë e partisë së tyre pas një lufte të brendshme për udhëheqjen e partisë.

Ish-lideri Sali Berisha i Partisë Demokratike kryesore në opozitë ka krijuar një grupim që përpiqet të largojë nga posti kreun e partisë Lulzim Basha, duke e akuzuar atë si “peng” të kryeministrit Edi Rama të Partisë Socialiste të majtë.

“Sot demokratët dhe demokratët e Shqipërisë do ta kthejnë bunkerin e pengut (Lulzim) Bashës në shtëpinë e tyre të lirisë”, tha Berisha. Protestuesit hynë në katin e parë të ndërtesës, duke përdorur hekura për të hapur derën kryesore dhe duke thyer dritaret. Gaz lotsjellës u përdor nga brenda ndërtesës për t’i larguar ata.

Pas një kërkese të Partisë Demokratike, policia ndërhyri duke përdorur një kamion me topa me ujë dhe efektivë të policisë kundër trazirave për të larguar protestuesit nga godina. Disa protestues u morën dhe u ndaluan nga policia.

“Aktet e sotme të dhunës ndaj Partisë Demokratike shënojnë izolimin përfundimtar të Sali Berishës dhe një largim të turpshëm nga skena politike”, thuhet në një deklaratë të partisë.

Basha e shkarkoi Berishën nga grupi parlamentar në shtator, gjë që shkaktoi një sherr brenda partisë mes tyre.

Kjo pasoi një ndërhyrje në maj të Sekretarit të Shtetit të SHBA Antony Blinken, i cili tha në një deklaratë se gjatë mandatit të Berishës si kryeministër 2005-2013, politikani “ishte i përfshirë në akte korruptive … duke përdorur pushtetin e tij për përfitimin e tij dhe për të pasurojë aleatët e tij politikë dhe anëtarët e familjes së tij, duke ndërhyrë në “hetime të pavarura, përpjekje kundër korrupsionit dhe masa të llogaridhënies”.

Blinken tha se “aktet korruptive të Berishës minuan demokracinë në Shqipëri”.

Në dhjetor, grupimi i Berishës pretendoi se kishte mbajtur një referendum për largimin e Bashës nga posti i tij, por masa nuk u njoh nga Partia Demokratike zyrtare.

Berisha, 77 vjeç, shërbeu si kryeministër i Shqipërisë nga 2005 deri në 2013 dhe si president nga 1992-1997. Ai u rizgjodh si ligjvënës i Partisë Demokratike në zgjedhjet parlamentare të prillit të kaluar.

Ambasadorja e SHBA-së në Tiranë, Yuri Kim shprehu shqetësimin për “tensionet në rritje” në ndërtesën e Demokratëve dhe u bëri thirrje protestuesve “të refuzojnë dhunën dhe të ruajne qetësine”.

Më shumë




spot_img








spot_img