Gazeta prestigjoze “The Telegraph”, i ka kushtuar bukurive natyrore shqiptare një tjetër shkrim promovues, kësaj here për Bjeshkët e Nemuna. “Por mos lejoni që emri t’ju çorientojë, Kreshtat e paprekura shqiptare janë të bekuara”, shkruan James Ottery, autor i artikullit.
“Mos lejoni që emri t’ju çorientojë. Ato mund të njihen si Bjeshkët e Nemuna. Por kur të ndodheni mes shpateve madhështore, “të bekuara” është mbiemri i duhur”, shkruan Ottery për “Telegraph”.
Më tej në artikull thuhet se Shqipëria, e cila është një destinacion i shkëlqyer në çdo formë të udhëtimit, për ata që dëshirojnë të shëtisin në shtigjet e larëgta dhe malet e thepisura, eksperienca do të jetë e paharrueshme.
Artikulli i vlerëson Alpet shqiptare për bukuritë mahnitëse, dhe potencialin që mbartin për t’u shndërruar në destinacionin kryesor europian të ekskursioneve.
