Hapësire reklamuese

Showbiz

Tetë shenjat "sekrete" që tregojnë se një person vuan nga depresioni

Shkruar nga Newsbomb
Tetë shenjat "sekrete" që tregojnë se një person

Depresioni shpesh kalon pa u vënë re. Gjëja më e rrezikshme është se një person duket “plotësisht normal” në shikim të parë, por brenda tij ndodhet një humnerë. Njeriu është i prirur të fshehë plagët më të dhimbshme dhe më të thella të tij nga të tjerët.

Sipas studiuesve, janë tetë shenja "sekrete" që tregojnë se një person vuan nga depresioni, edhe pse ai përpiqet ta fshehë atë. Më poshtë, shkurtimisht renditen disa nga shenjat, por jo domosdoshmërisht një person që ka një prej tyre mund të vuajë nga depresioni.

Duken shumë të hareshëm, vazhdimisht bëjnë shaka

Kujtoni vetëm komikun dhe aktorin e famshëm Robin Willams. Pas buzëqeshjes, ka fshehur një pikëllim të thellë. Nuk mund çdokush të jetë i hareshëm përherë. Nëse personin tuaj të afërt kurrë nuk e keni parë në humor të keq, pyeteni a ndihet mirë?

Janë të prirur të sajojnë histori

Njerëzit të cilët vuajnë nga depresioni besojnë që të tjerët megjithatë nuk do të mund t’i kuptojnë. Prandaj, sajojnë justifikime të bindshme që veprimet e tyre t’i fshehin me ndonjë histori. Ata në çdo mënyrë përpiqen të fshehin gjendjen e tyre shpirtërore, përpiqen të duken si njerëz të zakonshëm pa shqetësime dhe probleme të mëdha. Nëse një mik juaji kurrë nuk ka kohë të mjaftueshme të dalë me ju në qytet apo të shoqërohet me ju, pyeteni se çfarë po bën kur është në shtëpi brenda katër mureve.

Vuajnë nga devijimet e rutinës së tyre ditore

Njerëzit e tillë ndonjëherë flenë gjumë tepër shumë apo tepër pak. Nuk hanë rregullisht. Gjumi dhe ushqimi janë elemente shumë të rëndësishme për shëndetin. Personi i cili vuan nga depresioni nuk mund t’i kontrollojë veprimet e veta. Mendimet e errëta, ndryshimet e humorit e pushtojnë atë dhe jetën shpesh nuk mund ta bëjnë të rregullt.

Janë seriozë ndaj disa ushqimeve

Për shembull: një person me depresion e di sa duhet të pijë alkool, ku dhe kur. Nuk ka relaksim. Një person i tillë, për shembull, nuk do të dehet në mënyrë që emocionet e vërteta të mos dalin në sipërfaqe.

Ata priren të filozofojnë

Njerëz të tillë shpesh mendojnë për kuptimin e jetës, duke kërkuar përgjigje për pyetje të rëndësishme të jetës.

Zakonisht janë shumë të talentuar dhe të vënë re në shoqëri

Shumë aktorë, muzikantë, artistë të njohur vuajnë nga sëmundje mendore. Kreativiteti është rezultat i emocioneve të përjetuara. Një mënyrë për t’u larguar për pak kohë nga bota depresive.

Ata priren të kërkojnë kuptim në çdo gjë

Të gjithë duhet të vendosin qëllime për veten e tyre. Ne përpiqemi të bëjmë gjithçka për të mirë. Njerëzit në depresion e dëshirojnë atë edhe më shumë. Ata nxitojnë drejt ekstremeve, duke kërkuar rrugën e duhur që do të ketë kuptim.

Ndonjëherë mund të japin shenja

Edhe njerëzit tepër të fshehtë dhe të fortë ndonjëherë mund të dorëzohen dhe të tregojnë dhimbjen e tyre. Një shaka e padëmshme mund të tingëllojë si një thirrje për ndihmë. Nëse dikush ju hapet dhe ju tregon për barrën e tij, ndihmojeni.

Sondazh

Poll

Lexo gjithashtu