Hapësire reklamuese

Bota

Tërmeti shkatërrimtar/ BE dërgon mbi 10 ekipe shpëtimi për të ndihmuar Turqinë, angazhohet edhe Greqia

Shkruar nga Newsbomb
Tërmeti shkatërrimtar/ BE dërgon mbi 10 ekipe shpëtimi

Mbi 10 ekipe shpëtimi janë mobilizuar nga Bashkimi Europian për të ndihmuar Turqinë pas tërmetit tragjik mëngjesin e sotëm. Ndërkohë edhe Greqia  është angazhuar për të ndihmuar popullin e Turqisë, duke lënë pas përplasjet diplomatike.

Me anë të një deklarate Komisioni Europian bëri me dije se gjithashtu Italia, Spanja dhe Sllovakia kanë bashkuar forcat dhe kanë ofruar ekipet e tyre të shpëtimit për t’i ardhur në ndihmë qytetarëve të prekur nga tërmeti shkatërrimtar.

“Ekipet e Kërkimit dhe Shpëtimit janë mobilizuar shpejt nga Bullgaria, Kroacia, Republika Çeke, Franca, Greqia, Hungaria, Malta, Holanda, Polonia dhe Rumania për të mbështetur reaguesit e parë në terren”, tha Komisioni Evropian në një deklaratë.

BE ka deklaruar gjithashtu se është e gatshme të mbështeste të prekurit në Siri, por tha se nuk kishte marrë ende një kërkesë nga vendi për të aktivizuar mekanizmin e mbrojtjes civile atje, i cili koordinon ndihmën nga BE-ja dhe vendet e tjera evropiane.

Sondazh

Poll

Lexo gjithashtu

Hapësire reklamuese