Një tërmet i fuqishëm me magnitudë 7.2 i shkallës Rihter goditi mëngjesin e kësaj të shtune Japoninë, me epiqendër në zonat verilindore.
Lëkundjet ishin shumë të forta sa që u ndjenë edhe në Tokio dhe ku zgjatën mbi 30 sekonda. Autoritetet në Japoni paralajmëruan një cunami me dallgë mbi 2 metra, por ky njoftim u hodh poshtë nga sizmiologët. Sipas raportimit të medieve të huaja, pavarësisht lëkundjeve të forta nuk u regjistruan të lënduar apo dëme materiale.
"Bazuar në parametrat paraprak të tërmetit, valët e rrezikshme të tsunamit janë të mundshme për brigjet e vendosura brenda 300 km (186 milje) nga epiqendra e tërmetit," thuhet në deklaratën e sistemit të paralaljmërimit të Cunamit.