Partia Socialdemokrate në qarkun e Elbasanit ka njoftuar sot se do të tërhiqen nga gara për zgjedhjet e 25 qershorit, duke i bërë thirrje simpatizantëve të kësaj partie, që votën e tyre t'a japin për Partinë Socialiste.
Kjo thirrje është bërë nga kryesuesi i listës së PSD-së ne Elbasan, Tauland Sinani dhe kandidatët e tjerë të kësaj partie.
“Votoni numrin 2, harrojeni numrin tonë apo numrat e tjetër. Në kuader të fitores dhe vazhdimësisë së qeverisë Rama, për vazhdimesinë e reformave dhe implementimin e tyre unë Tauland Sinanaj, kryesues i PSD-së për qarkun e Elbasanit, tërhiqem nga gara dhe mbështes Partinë Socialiste aleatin tonë historik, duke votuar numrin 2”,- është shprehur Sinanaj.
Arsyeja që kjo parti është tërhequr nga gara nuk është bërë e ditur, por gjatë fushatës për zgjedhjet e 25 qershorit, kandidatët që janë tërhequr nga gara dhe kanë kërkuar që votën e tyre ta japin në një parti tjetër, kanë qenë të shumtë.