Hapësire reklamuese

Aktualitet

Tentuan të vrisnin një 25-vjeçar, arrestohet njëri nga vëllezërit, në kërkim tjetri

Shkruar nga Newsbomb
Tentuan të vrisnin një 25-vjeçar, arrestohet njëri nga

Një ngjarje e rëndë ka ndodhur mbrëmjen e së shtunës në Kavajë ku tre shtetas janë përfshirë në një konflikt.

Dy vëllezër, për motive të dobëta janë konfliktuar me 25-vjeçarin Letjan Lushkaj ku më pas sipas njoftimit të policisë kanë tentuar ta vrasin duke e dhunuar dhe goditur me automjet.

Menjëherë në vendin e ngjarjes kanë shkuar efektivët e policisë të cilët kanë parandaluar një përshkallëzim të konfliktit i cili mund të përfundonte në vrasje.

Në prangat e policisë ka rënë një nga autorët e ngjarjes, Halit Ullorja, 30 vjeç si dhe është shpallur në kërkim vëllai i tij G. Ullorja, 26 vjeç të dy banues në Kavajë. G. Ullorja, pas ngjarjes ka braktisur automjetin dhe është larguar nga vendi ku ndodhi konflikti.

Policia gjithashtu ka arrestuar edhe 25-vjeçarin Letjan Lushkaj i cili u dhunua nga dy vëllezërit Ullorja, pasi po drejtonte mjetin në gjendje të dehur.

Njoftimi: 

Pas një konflikti për motive të dobëta, tentuan të vrisnin një 25-vjeçar, duke e dhunuar  goditur me automjet, arrestohet 30-vjeçari dhe punohet për kapjen e vëllait të tij që braktisi automjetin menjëherë pas konfliktit.

Në pranga dhe 25-vjeçari, sepse rezultoi se drejtonte automjetin e tij në gjendje të dehur.

Mbrëmjen e djeshme, shërbimet e Policisë pas njoftimit të marrë për një konflikt ndërmjet 3 shtetasve, në lagjen nr. 2,  kanë shkuar  menjëherë në zonë, për të identifikuar dhe nxjerrë përpara përgjegjësisë penale, shtetasin/it përgjegjës.

Falë ndërhyrjes në kohë shërbimet e Policisë parandaluan përshkallëzimin e konfliktit  dhe arrestuan në flagrancë shtetasin H. U., 30 vjeç, si  dhe shpallën në kërkim vëllanë e tij, shtetasin G. U., 26 vjeç, të dy banues në Kavajë, sepse dyshohet se pas një konflikti për motive të dobëta, kanë tentuar të vrasin shtetasin L. L., 25 vjeç, duke e dhunuar fizikisht atë dhe duke goditur me automjet, automjetin që drejtonte ky shtetas.

Në vijim të veprimeve procedurale specialistët për Hetimin e Krimeve të Komisariatit të Policisë Kavajë arrestuan  në flagrancë dhe 25-vjeçarin pasi nga verifikimet rezultoi se e drejtonte automjetin, në gjendje të dehur.

Vijon puna  për kapjen e 26-vjeçarit që braktisi automjetin, sapo goditi me të, automjetin e shtetasit L. L..

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Sondazh

Poll

Lexo gjithashtu

Hapësire reklamuese