Hapësire reklamuese

Aktualitet

Tentuan të marrin peng një person në afërsi të stadiumit, kur dështuan e qëlluan me armë, Policia arreston një nga 5 autorët (EMRAT)

Shkruar nga Newsbomb
Tentuan të marrin peng një person në afërsi të

Një person i shpallur në kërkim është arrestuar nga Policia e Fierit pasi në vitin 2020 ka tentuar të marrë peng një shtetas tjetër, bashkë me 4 persona të tjerë. Kur kanë dështuar, e kanë qëlluar atë me armë zjarri duke e plagosur.

Në lidhje me ngjarjen e ndodhur në datën 17.08.2020, në afërsi të stadiumit në Patos, ku pesë shtetas, në bashkëpunim me njëri-tjetrin, kanë tentuar ta rrëmbejnë me forcë dhe më pas e kanë qëlluar me armë zjarri shtetasin Klajdi Sulo, i cili ka mbetur i plagosur, pas informacioneve të mara në rrugë policore dhe veprimeve operacionale, u bë e mundur kapja dhe ndalimi i një prej personave të shpallur në kërkim. 

Specialistët për Hetimin e Krimeve të Rënda në DVP Fier kapën dhe ndaluan shtetasin e shpallur në kërkim Viktor Selmanaj, 47 vjeç, banues në Patos.

Gjykata e Shkallës së Parë Fier, me vendimin e datës 03.09.2020, ka vendosur për këtë shtetas masën e sigurimit "Arrest në burg" për veprat penale "Vrasje me paramendim" e mbetur në tentativë, kryer në bashkëpunim dhe "Armëmbajtja pa leje".

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme.

Lexo gjithashtu

Sondazh

Poll