Një 13 vjeçar shqiptar është plagosur me armë zjarri gjatë natës së shkuar në qytetin e Milanos.
Sipas mediave italine, ngjarja ka ndodhur mbrëmjen e djeshme në banesën ku ai jetonte me nënën e tij e me të fejuarin e saj italian.
45 vjeçari italian ka plagosur në krahun e djathtë 13 vjeçarin shqiptar me një pistoletë të tipit Berretta 98.
Sipas hetimeve të autoriteteve italiane, 45-vjeçari ka hyrë në banesë në gjendje të dehur e ka nisur një grindje të dhunshme me të fejuarën e tij, një shtetase shqiptare 51-vjeç.
Gjatë grindjes, djali i saj 13 vjeçar ka reaguar për t'i ardhur në ndihmë nënës së tij, por italiani Angelo Di Matteo ka hapur zjarr kundër tyre, duke plagosur adoleshentin shqiptar.
13 vjeçari është kuruar në një nga spitalet e Milanos dhe ndodhet jashtë rrezikut.
Sondazh
Lexo gjithashtu
