Detaje të reja dalin lidhur me tentativën për vrasje në të cilën është përfshirë ish-shefi i Krimeve të Komisariatit nr.6 Dedan Gjoni dhe Rexhep Rapi, ose i njohur ndryshe si i “forti i Sukthit”.
Nga bisedat në “Sky Ecc” ka dalë se Dedan Gjoni ka bashkëpunuar me grupin kriminal të Rexhep Rapit, për të vrarë Xhevdet Plakun, i cili njihet me nofkën “Akili”.
Xhevdet Plaku
Referuar informacioneve të mbledhura nga hetuesit dyshohet se urdhri i krimit është dhënë nga Holanda. Ish-efektivi ka thirrur në Komisariat Xhevdet Plakun dhe i ka thënë Rexhep Rapit dhe grupit të tij së çfarë ore do e lironte.
LEXO EDHE: Operacion në Durrës, arrestohet “Kep Rapi”, nipi i tij dhe një ish-efektiv
Gjithashtu Dedan Gjoni i ka nisur grupit kriminal foto të objektivit. Autorët më pas janë tërhequr dhe krimi nuk ndodhi.
Rexhep Rrapi i njohur si ‘Kepi Rrapi’ u arrestua mëngjesin e sotëm në banesën e tij në Sukth. Bashkë më të është prangosur edhe nipi, Alger Rapi. Të dy akuzohen se donin të vrisnin Xhevdet Plakun dhe për këtë bashkëpunuan me shefin e krimeve Dedan Gjoni, i arrestuar që prej muajit nëntor.
I forti i Durrësit’, Kep Rapi dhe ish-shefi i komisariatit nr.6 në Tiranë dyshohet se kanë bashkëpunuar për tentativën e vrasjes ndaj Xhevdet Plakut si një hakmarrje pasi ky i fundit ishte një prej të akuzuarve për vrasjen e Sali Rapit të ndodhur në 2014-ën në Itali.
Gjykata e Savonës asokohe shpalli të pafajshëm Besnik Adrian Plakun dhe Xhevdet Plakun të cilët akuzoheshin për vrasjen. Sali Rapi u vra me dy plumba pistolete kalibër 7,65 mm, kjo armë nuk u gjet kurrë. Dëshmitari Alfred Hasa, pasi doli nga spitali, u zhduk pa lënë gjurmë, kështu që dëshmia e tij nuk mund të konfirmohej në sallën e gjyqit.
Kush është Xhevdet Plaku
Xhevdet Plaku është emër i njohur për policinë shqiptare dhe jo vetëm. Ai njihet si kreu i një grupi të trafikut ndërkombëtar të drogës, të cilën e drejtonte nga Amsterdami.
I njohur me nofkën “Akili”, Xhevdet Plaku përdorte 25 identitete të ndryshme për të mos rënë në gjurmët e policisë.
Pakove të drogës Xhevdet Plaku u vinte emra sipas cilësisë së mallit që kishte brenda, duke i pagëzuar si markat e njohura të modës apo të luksit.
Kokainë më e pastër quhej ‘Hermes’, pastaj vinin ‘Lacoste’, ‘G4’, ‘Rolls Royce’ e ‘Playboy’.
Sondazh
Lexo gjithashtu
