Një ekip i KFOR-it është sulmuar mbrëmjen e sotme në Zubin-Potok. Sipas mediave vendase mësohet se fatmirësisht nga ky sulm nuk ka të lënduar.
Bëhet me dije se pjesëtarët e KFOR-it të cilët raportohet se janë sulmuar janë nga Letonia.
Sot janë bërë 16 ditë që nga vendosja e barrikadave në veri nga serbët, pas arrestimit të ish-policit Dejan Pantiç.
Qeveria e kryeministrit Albin Kurti është shprehur se janë në pritje të KFOR-it për heqjen e barrikadave. Në anën tjetër, KFOR-i ka thënë se barrikadat duhet të hiqen me dialog. Ndërsa, Kurti ka thënë se do të bisedojë me komandantin e KFOR-it pas festës së Krishtlindjes.