Në një kohë që situata politike në vend është e tensionuar presidenti Ilir Meta ka thirrur në takim Opozitën e Bashkuar.
Takimi mes Metës dhe Opozitës së bashkuar do të zhvillohet ditën e nesërme në Pallatin e Brigadave.
Kujtojmë se ky takim vjen në një kohë që opozita ka bojkotuar mbledhjet e fundit për Reformën Zgjedhore në shenjë proteste për shembjen e Teatrit por edhe për faktin që sipas tyre mazhoranca nuk i ka marrë parasysh propozimet që ka bërë.
Vetë kreu demokrat Lulzim Basha në deklaratën e fundit ka theksuar se vendi është në krizë të thellë politike dhe kjo vjen sipas tij prej vendimeve të kryeministrit Edi Rama.