Presidentja e Komisionit Evropian, Ursula von der Leyen një ditë më parë konfirmoi se do të kandidojë për një mandat të dytë në krye të KE-së.
Pas pesë viteve të udhëheqjes së Bashkimit përmes krizave të shumta, duke përfshirë pandeminë dhe dy vitet e para të luftës ruse në Ukrainë, Von der Leyen u propozua si kandidate për kreun e KE nga Unioni i saj Kristian Demokratik Gjerman.
Pas këtij hapi, ajo duhet të fitojë mbështetjen e dy partive të tjera brenda Partisë Popullore Evropiane (EPP), grupimi i qendrës së djathtë në Parlamentin Evropian, i cili përfshin partitë në pushtet në Greqi, Irlandë, Lituani dhe Suedi.
Sakaq, kandidati i republikanëve francezë në zgjedhjet europiane, François Guazier Bellamy tha sot se partia konservatore nuk do të votojë për mandatin e dytë të Ursula von der Leyen si kryetare e Komisionit Europian.
“Ne nuk do ta mbështesim atë në zgjedhje, sepse besojmë se parimet e saj nuk janë në përputhje me atë që pret sot Europa”, tha Bellamy.
Sondazh
Lexo gjithashtu
