Hapësire reklamuese

Aktualitet

Sherr me armë dhe thika në një lokal të Kavajës, dy persona vrasin njëri-tjetrin (EMRAT-DETAJE)

Shkruar nga Newsbomb

Dy persona kanë humbur jetën pak çaste më parë pas një sherri me armë dhe thikë në një lokal në qytetin e Kavajës.

Mësohet se shtetasit Altin Rexha nga Kukësi dhe Edmond Gosa nga Kavaja janë konfliktuar brenda lokalit ndërsa njëri ka qëlluar me thikë. Në këtë moment Altin Rexha i është përgjigjur duke e qëlluar Gosën me armë zjarri.

Të dy kanë ndërruar jetë pasi janë transportuar në spital, përkatësisht Altin Rexha ka ndërruar jetë si pasojë e goditjes me thikë, ndërsa Edmond Gosa ka vdekur si pasojë e plagëve nga tre plumba.

Mësohet se Altin Rexha kishte ndërruar së fundmi emrin, dhe në dokumente rezulton me emrin Sali Rexha.

Informacion paraprak nga Policia:

Më datë 29.03.2023, në Kavajë, tek kryqëzimi i valutës, ka ndodhur një konflikt midis dy shtetasve, ku shtetasi Edmond Gosa 43 vjeç, ka plagosur me thikë shtetasin Altin Rexha, 43 vjeç, ndërsa ky i fundit ka plagosur me armë zjarri shtetasin Edmond Gosa.

Si pasojë e plagëve të marra të dy shtetasit e përfshirë në konflikt, kanë ndërruar jetë në spital.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Në përfundim të veprimeve paraprake në vendngjarje, do të kemi një informacion vijues.

Lokali ku ndodhi sherri me pasojë dy të vdekur Lokali ku ndodhi sherri me pasojë dy të vdekur

Lexo gjithashtu

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.