Një plagosje me armë zjarri raportohet se ka ndodhur mbrëmjen e sotme në Fan të Mirditës, në autostradën Milot-Morinë.
Burime bëjnë me dije se ka mbetur i plagosur një 51-vjeçar i identifikuar si Martin Prenga, i cili ndodhet në gjendje të rëndë shëndetësore.
Ngjarja ka ndodhur pranë një karburanti, ndërsa forca të shumta policie kanë mbërritur në vendngjarje.
Sipas policisë, 51-vjeçari Prenga është konfliktuar me dy persona të tjerë, të cilët janë shpallur në kërkim.
Mirditë / Informacion paraprak:
Në Urgjencën e Spitalit Rajonal Rrëshen është dërguar për ndihmë mjekësore, i plagosur me armë zjarri shtetasi M.P. 51 vjeç, banues në Klos, Mirditë.
Nga hetimet e paraprake dyshohet që ngjarja të ketë ndodhur në autostradën Rrëshen -Kukës, në Fan, Mirditë pas një konflikti të çastit të shtetasit M.P. me dy shtetas të tjerë të cilët janë shpallur në kërkim dhe punohet intensivisht për kapjen e tyre, por për shkak të hetimit, nuk bëjmë me dije të dhëna të tjera për identitetet e tyre.
Vazhdojnë veprimet për zbardhjen e plotë të ngjarjes dhe kapjen e autorëve.
Sondazh
Lexo gjithashtu
