SPAK ka shpallur në kërkim ndërkombëtar 14 person, emrat e të cilëve dolën nga dëshmia e të penduarit të drejtësisë, Nuredin Dumani.
Bëhet me dije se kanë përfunduar të gjitha e procedurat ligjore për shpalljen në kërkim ndërkombëtar të këtyre personave, raporton “Faxnews”.
Mësohet se emrat e “bosëve” të krimit që akuzohen për krime ndaj personat, vrasje dhe grabitje, janë dërguar në pikat kufitare të vendit.
Formulari i SPAK, i plotësuar nga struktura antikorrupsion, tashmë i është përcjellë zyrës së Interpolit për komunikimin ndërkombëtar të urdhrit, ndaj tyre, të cilët klasifikohen si persona me rrezikshmëri të lartë shoqërore.
Personat në kërkim
- Eljo (Ervis) Bitri,
- Festim Qoli,
- Alban Bengasi,
- Ervis Martinaj,
- Elvin Merlika
- Alket Xhixha
- Marjus (Suel) Lulaj (Çela),
- Agron (Kamber) Mehja,
- Aleks Çela alias (Tom Qorri)
- Talo Çela,
- Agim Gjini,
- Mikael Qosja (Kamami) (Stefo),
- Florenc Çapia
- Abedin Mama (Dine Çami)
Kujtojmë që Nuredin Dumani së bashku me Henrik Hoxhajn janë të penduarit e drejtësisë dhe se kanë treguar me detaje e emra vrasjet që kanë bërë, porositë nga kush i kanë marrë dhe shumën që i është dhënë. Dëshmia e tij “fundosu” bosët e krimit.
“Plumbi i Artë”, kështu është titulluar mega operacioni më i fundit i SPAK që ka goditur 8 grupe kriminale në Elbasan, Durrës dhe në Tiranë. Operacioni që erdhi pas arrestimit të shumë të kërkuarit Nuredin Dumani, i cili hapi edhe “gojën” para hetuesve.
U dhanë 32 urdhër arrest, ku 18 ranë në pranga.