Sekretari i Përgjithshëm i Partisë Demokratike, Flamur Noka ka kërkuar që kryeministri Edi Rama të japë dorëhiqjen nesër para shqiptarëve.
Deputeti i PD thotë se askush nuk mund të marrë peng parlamentin dhe se Rama është thirrur nesër në Kuvend nga opozita për të dhënë llogari për lidhjet e tij me ish-zyrtarin e FBI, McGonigal.
“Askush nuk mund të marrë peng parlamentin. Rama do të thirret në debat për të dhënë llogari për aferën antishqiptare me McConigal.
Të dorëhiqet menjëherë para shqiptarëve! Ne si grup parlamentar e kemi detyrë të madhe dialogun intensiv me zgjedhësit tanë, që t’u qartësojmë gjithçka. Ky revolucion nuk do dështojë kurrë. Ky revolucion do të njohë vetëm fitore”, shkruan Noka.