Pas vendimit të Gjykatës së Apelit në Paris për të shpallur fajtor ish-presidentin francëz Nicolas Sarkozy, ka reaguar partnerja dhe ish-Zonja e Parë e Francës Carla Bruni. Përmes një postimi në rrjetet sociale, ajo ndan një album me foto të Nicolas Sarkozy dhe i dedikon fjalët më të embla. Përmes këtij postimi ish-Zonja e Parë e Francës ka zbuluar ndjenjat e thella të dashurisë dhe admirimit që ka për të shoqin si dhe mbështetjen që ajo i jep edhe pas dënimit për financim të paligjshëm të fushatës parazgjedhore. Bukuroshja francezo-italiane ka postuar disa foto të Nicolas, i cili ka veshur një bluzë të zezë dhe xhinse të ngushta, teksa hante arra në mes të një fushe. Madje, në njërën prej fotove, 69-vjeçari tregon me krenari para aparatit krahët e tij të stërvitur mirë. "Je t’aime comme ça …" ose “Të dua ashtu siç je”, ka shkruar ajo në mbishkrimin e postimit dhe mijëra ndjekës e kanë “mbytur” çiftin e dashuruar me komplimente. Carla Bruni dhe Nicolas Sarkozy kanë së bashku një vajzë, Julia Sarkozy. Pak muaj më parë ata festuan 16 vite së bashku. Kur lidhja e tyre filloi, njerëzit ishin skeptikë, por rezultoi se dashuria e tyre ishte e vërtetë.

 

View this post on Instagram

 

A post shared by Carla Bruni (@carlabruniofficial)

Lexo edhe: Sarkozy shpallet fajtor, ish-presidenti francez do vuaj dënimin në shtëpi Gjykata e Apelit në Paris shpalli këtë të mërkurë fajtor ish-presidenti francez, Nicolas Sarkozy për financim të paligjshëm të fushatës për zgjedhjet presidenciale në vitin 2012. Apeli ka lënë në fuqi vendimin e gjykatës të shkollës së parë në vitin 2021 duke e lënë fajtor dhe dënuar më një vit burg. Por gjysma e dënimit u pezullua, ndërsa gjysmën tjetër ish-presidenti francez do e vuaj në shtëpi me monitorim përmes byzylykut elektronik. Sarkozy gjatë seancës që u mbajt këtë të mërkurë, mohoi fajin personal, por fajësoi disa anëtarë të ekipit të tij zgjedhor. Ish-presidenti france i tha gjykatës se nuk ishte i përfshirë në logjistikën e fushatës së tij dhe nuk e dinte se si u shpenzuan paratë gjatë zgjedhjeve.