Kjo është një tallje e hapur që bëhet me paratë e taksapaguesve shqiptarë.
Pak më parë, newsbomb.al publikoi listën me 110 emra deputetësh të cilët kishin marrë lekë për karburant, për qera shtëpie e dieta në kulmin e pandemisë, pikërisht në muajin prill kur të gjithë ishim në karantinë dhe në pamundësi për të qarkulluar lirisht.
Mes emrave, bie në sy emri i deputetit Adriatik Alimadhi i cili në atë periudhë ka qenë i shtruar në spital duke luftuar për jetën, pasi ishte infektuar me COVID 19.
Deputeti u intubua dhe kishte vështirësi të mëdha në frymëmarrje, mirëpo, mesa duket, nuk ka hequr dorë nga përfitimet që i jep të qenurit deputet.
Adriatik Alimadhi ka marrë 40,000 lekë të reja për karburantin e makinës.
Se si e ka shpenzuar këtë karburant makine kur dergjej në shtratin e spitalit, këtë e di vetëm Alimadhi.