Hapësire reklamuese

Politikë

Tabaku flet për pr/buxhetin 2024: Janë 70 mln euro taksa shtesë për shqiptarët

Shkruar nga Newsbomb
Tabaku flet për pr/buxhetin 2024: Janë 70 mln euro taksa

Deputetja  e PD, Jorida Tabaku ka komentuar projektbuxhetin e vitit 2024 që u miratua pak ditë më parë.

Me anë të një postimi në rrjetet sociale  shkuan se e vërteta është ndryshe nga ajo që thotë qeveria mbi taksat për bizneset e vogla.

Ajo nënvizon faktin se në projektbuxhetin 2024 janë 70 milionë euro taksa shtesë për xhepat e familjeve shqiptare.

Tabaku thekson se më kryesorja është taksa e vendosur për profesionistët e lirë që do të paguajnë deri në 23% për dijen dhe aftësitë e tyre profesionale.

“Dëgjuam dje se në Shqipëri nuk taksohen bizneset e vogla dhe gjithashtu që në Projektbuxhetin 2024 nuk do kemi taksa të reja.

Si gjithmonë e vërteta është shumë ndryshe nga dokrrat e propaganda e ditës.

Në projektbuxhetin 2024 janë 70 mln euro taksa shtesë për xhepat e familjeve shqiptare. Mes tyre më kryesorja është taksa e vendosur për profesionistët e lirë që do të paguajnë deri në 23% për dijen dhe aftësitë e tyre profesionale.

Si erdhëm deri këtu?

Në vitin 2013 Shqipëria kishte taksën e sheshtë 10%! Secili paguante 10 përqindëshin e pagës së tij. Socialistët vendosën të ndryshojnë gjithçka, sollën taksimin progresiv socialist ku çdokush paguante progresisvisht për të ardhurat që fitonte.

Kjo, i dha jetë skemave për t’i ikur taksimit socialist progresiv. Fillimisht profesionistët krijuan biznese me NIPT dhe ofruan shërbimet e tyre. Më tej këto profesionistë mundën t’i ikin skemës së taksimit progresiv socialist që nisi të taksonte progresivisht edhe ato të ardhura që vinin nga dy punësimi.

Kjo skemë përveçse e padrejtë dhe pandershme nxiti dhe informalitetin.

Kjo, krijoi një gropë të madhe në buxhet ku profesionistët preferonin që t’i shmangeshin taksimit progresiv socialist që taksonte punën deri në 23% ndërsa përfituesit e koncesioneve dhe lejeve të ndërtimit me 5% për fitimin.

Në vend që mazhoranca socialiste të ndryshonte skemën e taksimit të pandershëm socialist, ato vijuan ta thellojnë dhe sot kanë sjellë në tavolinë taksimin socialist mbi profesionistët e lirë.

Qëllimi? Të taksojmë profesionistët e shtresës së mesme, punëtorin që ngrihet përditë në mëngjes për të punuar dhe t’i japim sa më shumë përjashtime një shtrese gjithnjë e më të pakët që fiton më shumë dhe paguan më pak taksa dhe ofron më pak produktivitet ekonomisë", shkruan Tabaku.

 

Sondazh

Poll

Lexo gjithashtu

Hapësire reklamuese