Studioja arkitekturore “Atelier 4” vazhdon të fitojë thuajse të gjitha “konkurset” nga qeveria shqiptare që nga Stadiumi “Loro Boriçi” i Shkodrës e deri te Bypass-i i Gjirokastrës dhe plani për rregullimin e Jugut.
“Atelier 4” është studio me administrator Alban Eftimiun, punonjës i Bashkisë Tiranë gjatë kohës që drejtohej nga Edi Rama.
Studioja e preferuar e qeverisë që ka fituar projektet miliona dollarëshe, këtë herë ka mundur të shpallet fituese e konkursit për Bypass-in në zonën historike të Gjirokastrës. Arkitekti Besnik Aliaj denoncon shpalljen e fituesit, para konkursit në këtë mënyrë:
"Hapet konkursi i qeverisë dhe del një vajzë e "sinqertë" që pasi hap konkursin, thotë rregullat e lojës me seriozitet maksimal por në fund bën një "gafë" frojdiane e shkreta ... duke thënë në publik me plot gojë dhe me bindje:
E hapim konkursin me prezantimin e studios fituese Atelier 4”, një situatë që Aliaj e quan sa komike dhe revoltuese", kjo është situata që ka revoltuar edhe studiot e tjera konkuruese të cilat ishin përgatitur për konkursin.
Ja denoncimi i këtij skandali:
"E PAPARË :
Dje ishim në konkurs në Gjirokastër: 3 studio finaliste, për bypass-in e Gjirokastrës në zonën historike ...
Finalistë ishin studio: Atelier 4, Metropolis, dhe Son engineering. ...
Hapet konkursi i qeverisë dhe del një vajzë e "sinqertë" që pasi hap konkursin, thotë rregullat e lojës me seriozitet maksimal por në fund bën një "gafë" frojdiane e shkreta ... duke thënë në publik me plot gojë dhe me bindje:
E hapim konkursin me prezantimin e studios fituese Atelier 4 !!!!! :))))) :((((
Gajasje pa fund nga të gjithë të pranishmit! Por edhe trishtim e revoltë për këtë korrupsion pa turp dhe ditën për diell! Fituesi u shpall pa filluar akoma konkursi ...
Dhe sikur mos mjaftojë kjo juria edhe pse u mundua të lante (me falni) "mu**n më shu**ë" ishte aq e pacipë dhe arrogante sa të shpallte në fund zyrtarisht dhe publikisht fitues Atelier 4 ??!!! ... Tmerr! Turp! Skandal! Jam pa fjalë!
Të kuptohemi studio është në punë të vetë! Bravo i qoftë që ka kaq sukses!
Mbetet të shohim vendimin final të Ministres së MZHU, ose Kulturës, apo Drejtoreshës së AKPT/Atelier Albania ... Dhe të kuptojmë këtë simpati të madhe e flagrante. Madje duhet të shohim: A do kenë aq kurajo sa të nënshkuajnë këtë kontratë”, shkruan Arkitekti Besnik Aliaj i studio Metropolis.