Edhe 15 pacientë të tjerë të infektuar me koronavirus janë shëruar ditën e sotme.
Lajmin e jep kryeministri Rama, i cili shkruan “LAJM I MIRË: 15 TË SHËRUAR SOT”, ndërsa këtë e konfirmon dhe ministrja e Shëndetësisë Ogerta Manastirliu.
“LAJM I MIRË Edhe 15 të shëruar sot nga COVID-19”, shkruan ministrja, ndërsa shton “Shkon në 67 numri i të shëruarve.”
Në vendin tonë janë konfirmuar pozitiv sipas përditësimit të sotëm të shifrave zyrtare nga Ministria, 243 persona, prej të cilëve 15 kanë humbur jetën dhe 67 janë shëruar, bashkë me shifrat e sotme.