Dy shtetas shqiptarë janë dhunuar dhe kërcënuar ditën e sotme në ishullin Mikonos.
Lajmi u bë i ditur nga Federata e Shoqatave Shqiptare në Greqi, pasi shqiptari Jonild Muça i kishte dërguar mesazh në rrjete sociale duke kërkuar ndihmë.
Muça, me origjinë nga Thumana e Krujës, bën me dije se dy personat që e kanë dhunuar janë ish-kunetërit.
Sipas tij, dy vëllezërit e ish-bashkëshortes së Muçës e kërcënojnë me vdekje nëse nuk pranon të dorëzojë pronën në Thumanë tek motra e tyre.
Ai gjithashtu shprehet se nuk mund të njoftojë policinë pasi është me letra azilanti në Greqi.
Jonildi ka kërkuar ndihmën e shoqatës për të transportuar fëmijët nga shkolla në një ambient të sigurtë.