Një bazë amerikane në qytezën Taji në Irak është sulmuar me raketa, raportojnë mediat arabe.
Sipas Sky News Arabia, baza amerikane në veri të Bagdadit është sulmuar me raketa katjusha. Po të njëjtat burime raportojnë se një gazetar amerikan është marrë peng po ditën e sotme në Bagdad.
Mediat ndërkombëtare bëjnë me dije se raketat janë të të njëjtit model me ato që ka blerë Hezbollah disa vite më parë.
Vetëm pak orë më parë forcat irakene dhe ato amerikane bombarduan bazën qendrore të Kataib Hezbollah si kundërpërgjigje ndaj sulmit të së premtes që i mori jetën një kontraktori amerikan.