Është sulmuar me armë zjarri mëngjesin e sotëm lokali në pronësi të Gjovalin Prendit në Lezhë.
Ngjarja ka ndodhur në orën 06.30 të mëngjesit, ku persona të paindetifikuar kanë qëlluar me breshëri plumbash në drejtim të lokalit dhe më pas janë larguar.
Gjovalin Prendit në vitin 2014 i kanë ekzekutuar nipin Taulant Prendi 27 vjeç, teksa mbeti i plagosur vëllai i Taulantit, Aurel Prendi 25 vjeç.
Kujtojmë që ekzekutimi i 27-vjeçarit ndodhi pranë Urës së Milotit, ku dy vëllezërit Prendi së bashku me Klodian Ndreca, 28 vjeç, po udhëtonin me një makinë tip "Golf" ku dy persona ka qëlluar mbi 20 herë me kallashnikov në drejtim të tyre.
Taulant Prendi dhe Klodian Ndreca mbetën të vdekur në vend, ndërsa Aurel Prendi mbeti i plagosur rëndë.