Stuhia Gerrit ka shkaktuar dëmë masive në Britani, ku mijëra shtëpi kanë mbetur pa energji elektrike dhe rreth 100 shtëpi në Mançester janë dëmtuar.
Në këtë kohë festash, përmbytjet dhe mbyllja e rrugëve ka penguar udhëtimet e qytetarëve.
Shërbimet e Avanti West Coast që nisen nga Londra Euston do të kenë kohë të zgjatura udhëtimi pasi ato devijohen përmes Midlands.
Shërbimet e trageteve midis Portit të Doverit dhe Francës po funksionojnë me vonesa për shkak të erërave të forta në Kanal.
Që pas tornados që tronditi zonën, banorët në Stalybridge po këshillohen të qëndrojnë larg shtëpive të tyre, derisa situata të stabiliziohet.
Një zëdhënës i policisë tha: "Besohet se të gjithë të prekurit bënë marrëveshje për të qëndruar me familjen dhe miqtë gjatë natës.
Oficerët tanë kanë qenë jashtë gjatë gjithë natës dhe vazhdojnë të jenë jashtë sot duke pastruar mbeturinat, pemët e rrëzuara dhe duke i bërë rrugët, shtigjet dhe zonat e tjera të sigurta”.
Sondazh
Lexo gjithashtu
