Hapësire reklamuese

Çështjet kryesore

Sporti

“Wembley” pret sot “titanët”, Dortmund – Real luftë për trofeun e Champions

Shkruar nga Newsbomb

“Wembley” pret sot “titanët”, Dortmund – Real

Mbrëmjen e sotme do të luhet finalja e fundit europiane për klubet për këtë sezon. “Wembley’ do të presë finalen e Champions League, ku dy “titanë” do të përplasen mes tyre.

Në orën 21:00 Dortmund dhe Real Madrid do të vihen përballë për trofeun më prestigjioz për klubet. Gjermanët do të kërkojnë të shkruajnë historinë në këtë kompeticion, teka përballë gjejnë një nga skuadrat që e ka fituar 14 herë këtë trofe.

Kjo do të jetë sfidë mjaft e veçantë dhe emocionuese për Toni Kroos, i cili do të luajë ndeshjen e fundit me madrilenët dhe do të ketë shansin të fitojë Championsin e 15 nga “Los Blancos”. Një duel mjaft spektakolar dhe i luftuar, ndërsa tifozët “mbërthehen” për 90-të minuta.

Real Madrid do të përpiqet të mbyllë në mënyrën më të mirë një sezon të mrekullueshëm pas fitores së La Ligës dhe Superkupës së Spanjës. Skuadra spanjolle do të luajë në finalen e saj të 18-të të Kupës Evropiane dhe do të jetë hera e parë që trofeu do të luhet në Wembley, stadiumi që do të presë finalen e tetë të historisë së saj në këtë kompeticion.

Skuadra gjermane hyn në ndeshjen e sotme pasi mundi PSG-në në gjysmëfinale, Atletico në çerekfinale dhe PSV në 16-çe. Ata gjithashtu kryesuan Grupin F. Gjermanët do të përpiqen të fitojnë  Kupën e tyre të dytë evropiane pasi e fituan atë në vitin 1997 dhe kjo është finalja e tretë në historinë e tyre. Füllkrug me 3 gola është golashënuesi më i mirë në këtë Ligë të Kampionëve për një skuadër në të cilën veç të tjerash janë shquar edhe Adeyemi, Brandt dhe Sancho.

Kjo do të jetë hera e 15-të që dy skuadrat takohen në Kupën e Europës, por hera e parë në një finale. Rekordi historik është në favor të ekipit madrilen me gjashtë fitore, pesë barazime dhe tre humbje.  Real Madridi  fitoi dy takimet e fundit në fazën e grupeve të sezonit 2017/18. Atë sezon skuadra jonë ngriti të trembëdhjetën dhe sot synon të fitojë të pesëmbëdhjetën në Londër.

Sondazh

Poll

Lexo gjithashtu

Hapësire reklamuese