Roberto Carlos, legjenda e futbollit brazilian dhe ish-lojtar i Real Madrid, ka bërë bujë sërish për jetën e tij private.
Shkak është bërë ndarja nga gruaja e tij e shtatë, Luça, pas 15 vitesh. Në programin televiziv “Fiesta” të dielën, Roberto Carlos zbuloi se pas kësaj ndarjeje, ai ka vendosur të transferohet përkohësisht në “Ciudad Deportiva”, qytetin sportiv të Real Madrid, pas një marrëveshjeje që duket se është mjaft e ndërlikuar, për shkak të pasurive të mëdha që ish-futbollisti ka grumbulluar gjatë karrierës së tij.
Vlera e pasurive të Roberto Carlos arrihet në rreth 160 milionë euro, një shumë që e bën ndarjen edhe më komplekse, duke krijuar nevojën për zgjidhje të kujdesshme të çështjeve financiare.
Sipas informacionit të publikuar, bashkëshortja e tij, Luça, aktualisht jeton në shtëpinë kryesore të çiftit, ndërkohë që Carlos ka vendosur të kalojë një periudhë në qytetin sportiv të klubit të tij të vjetër, Real Madrid, deri sa të mbyllen procedurat ligjore të divorcit.
Sondazh
Lexo gjithashtu
