Dita e funeralit për maratonisten olimpike Rebecca Cheptegei, e cila u dogj nga ish i dashuri i saj dhe më vonë vdiq, ka nisur në Ugandë. Dickson Ndiema e sulmoi ish-partneren me benzinë pak më pak se dy javë më parë jashtë shtëpisë së saj në Kenian veriperëndimore, afër vendit ku ajo stërvitej.
Vrasja e 33 vjeçares dhe natyra e saj brutale, la familjen e saj të shqetësuar dhe tronditi shumë të tjerë në mbarë botën. Ngjarja tregoi nivelet e larta të dhunës ndaj grave në Kenia dhe faktin se disa atlete femra kanë qenë viktima vitet e fundit.
Maratonistja olimpike Rebecca Cheptegei është duke u përcjellë për në banesën e fundit me nderime të plota ushtarake, pasi ka qenë pjesë e forcave të armatosura atje.
Me arkivolin e saj të ekspozuar dhe të mbështjellë me flamurin e Ugandës, programi i së shtunës filloi me drejtuesit lokalë në Bukwo, duke mbajtur një shërbim përkujtimor. Të pranishmit mbajtën një moment heshtje dhe u çuan më pas në këmbë për të duartrokitur sportisten e ndjerë.
Ajo do të varroset më vonë të shtunën në shtëpinë e babait të saj.
Rebbeca Cheptegei vdiq në spital katër ditë pas sulmit. Mjekët thanë se ajo kishte pësuar djegie në më shumë se 80% të trupit të saj, të cilat "çuan në dështim të shumë organeve". Edhe autori, Ndiema, gjithashtu u dogj pasi një pjesë e benzinës u derdh në trupin e tij, vdiq të hënën.
Sondazh
Lexo gjithashtu
