Është zbuluar data kur Florian Marku, kampion boksi dhe mbajtës i disa titujve, do të ekstradohet nga Londra drejt Athinës. Aktualisht, ai ndodhet në paraburgim në kryeqytetin britanik.
Avokatët e tij kanë dorëzuar një kërkesë për shtyrjen e datës së ekstradimit me 10 ditë. Ende nuk dihen arsyet e kësaj kërkese apo nëse kanë në plan të apelojnë vendimin për ekstradimin e tij drejt Greqisë.
Sipas Top Channel, kërkesa për shtyrje është miratuar, dhe Florian Marku pritet të ekstradohet deri më 23 janar. Në seancën e mbajtur më 7 janar, Marku ka pranuar vullnetarisht të përballet me akuzat e ngritura nga drejtësia greke.
Sipas urdhrit të arrestit ndërkombëtar europian, Florian Marku akuzohet në Greqi për tentativë vrasjeje, plagosje të rëndë, armëmbajtje pa leje dhe përdorim arme. Këto akuza lidhen me një ngjarje të vitit 2010, kur ai dyshohet se është përfshirë në një përleshje në një klub nate në Selanik me disa shtetas rusë.
Sondazh
Lexo gjithashtu
