Dje në orën 20:45, Teatri “Chatelet” në Paris u mbush me emocion për ceremoninë e 68-të të “Topit të Artë”, çmimit më të rëndësishëm individual në botën e futbollit.
Favoriti kryesor, Rodri, mesfushori i Manchester City, u vlerësua si një nga më të mirët duke fituar “Topin e Artë” për vitin 2024.
Ceremonia filloi me dorëzimin e “Copa Trophy” dhe shpalljen e klubeve më të mira në futbollin e meshkujve dhe femrave. Po ashtu, u nderuan figura legjendare të futbollit, si Franz Beckenbauer, me çmime për sulmuesin më të mirë (Gerd Muller), portierin (Lev Yashin) dhe trajnerin më të mirë (Johan Cruyff).
Një nga momentet më emocionuese ishte shpallja e fitueses së “Topit të Artë” për femra. Aitana Bonmati, mesfushorja e Barcelonës, u shpall fituese për të dytën herë radhazi, pas një sezoni të jashtëzakonshëm ku fitoi gjithçka me skuadrën e saj, përfshirë kampionatin, Kupën e Spanjës, Superkupën e Spanjës dhe UEFA Champions League.
Kjo ceremoni e veçantë, e mbushur me yje dhe emocione, përfshiu një audiencë të gjerë që festoi arritjet më të larta në futbollin botëror.
-
Merr fund telenovela, Rodri fiton “Topin e Artë”
28 Tetor, 22:50
Sondazh
Lexo gjithashtu
