
Luiza Gega nuk ndalet. Atletja shqiptare ja ka dalë të kalojë me sukses garën e 3000 metrave me pengesa në Kampionatin Europian të atletikës.
Ky kompeticion po mbahet në Romë. Gega regjistroi kohën 9:35:77, duke u renditur e 8-ta në baterinë e saj. Falë këtij rezultati ajo siguron kualifikimin në finale, duke vazhduar sukseset e saj në atletikë.
Vlen të theksohet se Luiza Gega është kaampionia e Europës në fuqi dhe në këtë kompeticon do të synojë të shkruajë sërish historinë. Gega gjithashtu është e kualifikuar me normë edhe në Lojërat Olimpike që do të nisin muajin e ardhshëm në Paris.
Ndërkohë Izmir Smajlaj nuk ia doli të siguronte finalen. Sportisti shqiptar në kërcim së gjati arriti rezultatin ëm t ëmirë sezonal 7.78 metra, por nuk i mjaftoi për të kaluar më tej duke ndërprerë kështu rrugëtimin e tij.