Më 24-27 maj në Tiranë u zhvillua "Albania Mastermind Retreat 2024" nga Savoys Club. Një Mastermind 3-ditor ku 80 sipërmarrës nga e gjithë bota u mblodhën të diskutojnë gjithçka rreth botës së biznesit, të rejat më të fundit të teknologjisë si Crypto apo Inteligjenca Artificiale, mundësitë e investimit në Real Estate, zhvillimi dhe blerja e një biznesi, si dhe trajnim në sektorin e shitjes (Sales Training).
Kryeministri i Shqipërisë, Edi Rama ishte i ftuar nderi ku diskutoi me të pranishmit historinë e tij drejt suksesit, atë çfarë duhet për të drejtuar një shtet, mundësitë e investimit në Shqipëri e shumë të tjera.
Dita e dytë e Mastermind u zhvillua në stadiumin “Air Albania” që u rezervua posaçërisht për këtë event. Presidenti i FSHF, njëkohësisht edhe zv.presidenti i UEFA, Armand Duka, ishte i ftuari special i ditës ku zhvilloi një drekë private me të ftuarit të cilët shtruan pyetjet e tyre drejt kreut të futbollit shqiptar i cili ka një karrierë të gjatë e të suksesshme në botën e biznesit.
View this post on Instagram
Në ditën e tretë të këtij eventi të Savoy Club, tre sipërmarrës të suksesshëm si Adam Markley, Chris Spearmen dhe Michael Harding zhvilluan seminare për AI & Crypto, Business Development dhe Sales Training.
Me këtë të fundit, mbyllet me sukses një Mastermind i veçantë e frytdhënës në Shqipëri ku ‘dyer’ nga më të ndryshmet hapen si një mundësi e artë për të bërë biznes. Eksperienca dhe leksionet që merren nga një event i tillë e mbi të gjitha, njohja me sipërmarrës të suksesshëm shërben për krijimin e një network produktiv e marrjen e një perspektive të re mbi sfidat e biznesit.
View this post on Instagram
Sondazh
Lexo gjithashtu
