Tirana do të luajë të premten kundër Erzenit, në kuadër të javës së 32-të të Superiores. Një sfidë mjaft e rëndësishme për bardheblutë që synojnë “Final Four”, por edhe për shijakasit që duan mbijetesën.
Kjo sfidë është caktuar të zhvillohet në stadiumin “Arena e Demave”. Paradoks, por bardheblutë janë të detyruar të luajnë në shtëpinë e rivalit të përjetshëm, Partizanit. Erzeni është pritës dhe në mungesë të një impianti sportiv, kanë zgjedhur shtëpinë e kuqe.
Ndeshja Erzeni – Tirana është programuar të zhvillohet të premten, në orën 15:00. Shijakasit gjenden në vendin e nëntë me 31 pikë, ndërsa bardheblutë në vend të pestë me 43. Humbja do të ishte fatale për të dy skuadrat.
Natyrisht pritet me interes të shihet nëse tifozët e Tiranës do të ndjekin ekipin e tyre në atë stadium, ku bardheblutë shkelin për herë të parë.
Sondazh
Lexo gjithashtu
