Hapësire reklamuese

Politikë

Spiropali për kaosin në Kuvend: Opozita shau dhe ofendoi punonjësit e Gardës

Shkruar nga Newsbomb
Spiropali për kaosin në Kuvend: Opozita shau dhe ofendoi

Ministrja për Marrëdhëniet me Parlamentin, Elisa Spiropali ka reaguar për situatën kaotike të shkaktuar ditën e sotme gjatë seancës plenare.

Spiropali shkruan se pavarësisht gjithë situatës, ajo që e ka indinjuar më shumë janë fjalët e kolegëve të opozitës që fyenin dhe shanin burrat dhe gratë e Gardës së Republikës.

Postimi i plotë i Elisa Spiropalit:

Ajo që më indinjoi më shumë sot që në hyrje të sallës së seancave në Parlament ishin fyerjet e shfrenuara ndaj burrave dhe grave të Gardës së Republikës.

Çdo fjalë që kolegëve të opozitës copë e çikë ua rroku mendja, e lëshuan në drejtim të punonjësve te Gardës, që paguhen me pagë modeste e punojnë shpesh jashtë orarit duke vënë në rrezik edhe shëndetin e tyre, për të ruajtur rendin dhe sigurinë në institucionet e rëndësisë së veçantë.

Kjo opozitë që nuk lë rast pa derdhur lot krokodili për shqiptarët e ndershëm e njerëzit e punës, fyen, përçmon, godet, punonjësit e Gardës me të ardhura shumë më modeste se ata, për të mbrojtur me forcë të verbër kryeplakun, familjen e tij, e pasuritë e tyre.

Ky nuk është moral politik!

Kjo s'është drejtësi!

Këto nuk janë të drejta kushtetuese!

Këto janë akte dhune, vepra penale, dhe pafytyrësi njerëzore që përdhosin mjedisin e bashkëjetesës demokratike, cënojnë sigurinë, dëmtojnë imazhin dhe rreken të shkatërrojnë parlamentarizmin dhe institucionet e vendit.

Arrakatja e opozitës vetëm nëpërmjet dhunës është ogurzezë pikë së pari për vetë opozitën, por edhe për çdo qytetar të ndershëm të këtij vendi që është lodhur nga pasojat e dhunës, të cilat janë aq të freskëta në mbamendjen e tyre.

Filozofi francez Zhak Mariten thotë se çdo protestë duhet të jetë jo e dhunshme dhe pikërisht këtu qëndron edhe forca e saj.

Publiku do i dënojë, siç i ka dënuar, me votë.

Për vepra penale të konsumuara në sy të të gjithëve, drejtësia duhet të thotë fjalën e saj.

Sondazh

Poll

Lexo gjithashtu

Hapësire reklamuese