Prokuroria Speciale SPAK dhe Prokuroritë e rretheve kanë çuar në zyrën e kryekomisionerit Ilirjan Celibashi dy vendime për sekuestrimin e materialeve zgjedhore të zgjedhjeve të 25 prillit. Gjithashtu, në KQZ janë depozituar dhe 10 kërkesa për informacion.
Është vetë Celibashi ai që thotë se për zgjedhjet e 25 prillit organet e akuzës kanë nisur hetimet për disa vepra penale, si falsifikim i materialit zgjedhor, pengim i zgjedhësve për të votuar, korrupsion, etj.
Njoftimi i kryekomisionerit Ilirjan Celibashi:
Për zgjedhjet e #25prill2021 në KQZ janë depozituar 10 kërkesa për informacion & 2 vendime për sekuestrime të materialeve zgjedhore nga SPAK & Prokuroria Tiranë, Gjirokastër, Pukë, Vlorë & Elbasan. Pamje filmike të procesit të numërimit janë kërkuar & nga Policia e Tiranës.
Për zgjedhjet #25prill2021 kanë nisur hetimet për: Falsifikim të materialit zgjedhor & rezultateve të zgjedhjeve, pengimi i subjekteve zgjedhore, Votimi më shumë se një herë/pa u identifikuar…
Hetime edhe për: Shkeljen e fshehtësisë së votimit, Korrupsionin aktiv në zgjedhje, kanosje/dhunim të pjesëmarrësve në zgjedhje, marrje ose përdorim të paligjshëm i dokumenteve të identifikimit.
Pas mbylljes së procesit të shqyrtimit të ankimeve administrative për zgjedhjet #25prill2021, KQZ do të referojë në Prokurori të gjitha rastet e dyshimta të shkeljeve zgjedhore.