Tirana
clear sky
14.5 ° C
14.5 °
14.5 °
94 %
0kmh
0 %
Die
30 °
Hën
30 °
Mar
30 °
Mër
28 °
Enj
20 °
E diel, 26 Shtator, 2021
spot_img

Sot mundësia e fundit për Lulzim Bashën; Orët finale, negociatat për një takim të tretë dhe kontrata që detyron KQZ-në

spot_img

Lajme të ngjashëm

Kryeministri Edi Rama, në momentet e fundit u tërhoq nga gara për Kavajën duke bërë me dije në të njëjtën kohë se do bënte gjithçka që PD-ja të hyjë në zgjedhje por i dha si afat final Lulzim Bashës, datën 7 maj.

“E pres deri më 7 maj”, tha Rama por vlen të thuhet se ky nuk është një afat i vendosur nga kryeministri por afati detyrues i KQZ-së që duhet të nisë shtypjen e fletëve të votimit sipas një kontrate detyruese që ka me kompaninë sllovene “Cetis” që ka marrë përsipër këtë proces.

Mësohet se stafi i Ramës është duke negociuar me stafin e Bashës për një takim të tretë në orët e pasdites, raporton newsbomb.al. Nëse gjithçka finalizohet, atëhere do kemi sërish një takim në nivel negociatash dhe në rastin më të mirë të mundshëm edhe një marrëveshje mes palëve.

Në rastin më të keq, PD-ja nuk hyn në zgjedhje dhe procesi i shtypjes së fletëve nis nesër pa pjesëmarrjen e opozitës, shkruan newsbomb.al.

“Në përfundim, i përsëris Lulzim Bashës, lëre tani Kavajën, hiqe nga mendja se mund ta shtysh me provokime, jo datën, por as afatin fundor të mundësisë për të hyrë në zgjedhje, që është 8 maji dhe fokusohu tek zgjidhja që të është ofruar deri në 7 maj.

Unë jam gati të ulem përsëri me Lulzimin, por këtë herë për të detajuar ofertën që ai ka në tavolinë e jo për të filluar nga e para avazin e qeverisë teknike dhe të shtyrjes së zgjedhjeve në kalendat greke, me sebepin qesharak të përgatitjes së votimit elektronik.

Zgjedhjet do të bëhen në 18 qershor dhe të hënën më 8 maj, unë nuk jam më në dispozicion për Lulzim Bashën dhe PD-në, nëse deri të dielën, ata nuk bien dot dakord për ofertën, për ndryshimin e menjëhershëm të Kodit Zgjedhor, sipas rekomandimeve të ODIHR-it dhe zhbllokimin e Vetting-ut, natyrisht.

Kështu që edhe fare pak durim u kërkoj të gjithëve. Jemi në prag të një zhvillimi me rëndësi të madhe në vendin tonë. Dhe me PD, pa PD, më 18 qershor populli do vendosë jo thjesht se kë do ngarkojë për të qeverisur Shqipërinë për katër vitet që vijnë, por si do jetë Shqipëria e gjeneratës tjetër”, tha Rama prerë në konferencën e së premtes, kur tërhoqi kandidatin e tij për Kavajën.

Më shumë

spot_img