Ditën e sotme do të merret vendimi në Gjykatën e Apelit për ish-ministrin e Brendshëm Saimir Tahiri.
Në këto momente në gjykatë ka mbërritur avokati i Tahirit, Maks Haxhia, ndërsa vetë ish ministri nuk ka preferuar të marrë pjesë.
Seanca e ditës së sotme do të fillojë në orën 11:00 dhe trupa gjykuese është e përbërë nga Albana Boksi Nertina Kosova dhe Nure Dreni.
Kjo seancë e shtyrë për shkak të situatës së krijuar prej Covid do të zhvillohet pa media dhe publik.
Kujtojmë se Gjykata e Krimeve të Rënda e shpalli fajtor ish-ministrin e Brendshëm, vetëm për akuzën e “Shpërdorimit të detyrës” dhe e dënuan me 3 vite shërbim prove por avokatët e Tahirit e apeluan dhe tashmë çështja do të shqyrtohet nga Gjykata e Posaçme të Apelit.
Momenti kur Maks Haxhia shkon ne seance: